Яшь артист Лия Шәмсина социаль челтәрдәге сәхифәсендә иренең бүләген күрсәтте.
«Минем беренче 101 розам. Авыр… Мондый чәчәк бәйләме белән бәйле балачак хатирәм бар. Әти әнигә 101 роза бүләк иткән иде. Бу чәчәк бәйләме миндә миллион «текә» эмоция тудырды. Әни әлеге букет янында миңа фотосессия оештырды. Хәзер инде мин хатын, һәм ирем миңа шундый ук матур кызыл роза бәйләме бүләк итә. Нәкъ минем балачактагы истәлекләрдән…» – дип, балачагын искә төшергән җырчы.
Композитор Артур Mauzer белән җырчы Лия Шәмсина 2 ел никах белән яшәде, пандемия чикләүләре сәбәпле, туйны кичектергәннәр иде. 2020 елда яшьләр гөрләтеп туй үткәрде.