Җырчы Лилия Хәмитова социаль челтәрләрдә табибларга зур рәхмәт белдерә. Аның әнисенә катарактадан уңышлы операция ясаганнар. Болай да авыру әнисенең операциясе яхшы узуга җырчы бик сөенгән.
«Талантлы табиб Сергей Усмановка зур рәхмәтләребез», – дигән ул, әнисе белән табибның фотосын куеп.
Берничә кеше операцияне кайсы клиникада ясатулары, уртача бәяләр белән кызыксынган. Лилия Хәмитова операцияне бушка ясатуларын әйткән.
Язылучылары арасында табибның Актаныш егете булуын танып алучы табылган. «Әтисе дә гомер буе яхшы хирург булды», – дип комментарий калдырган ул.
Фото: © Лилия Хәмитованың социаль челтәрдәге сәхифәсеннән
Фото: © Лилия Хәмитованың социаль челтәрдәге сәхифәсеннән