Лилия Хәйруллинаны гашыйк егете ябыктырып кына калдырган – алар бергә булмаганнар
Җырчы Лилия Хәйруллина 12 ел элек, хәзерге авырлыгы белән чагыштырганда, 6-7 килограммга авыррак булган.
Лилия Хәйруллинаның социаль челтәрләрен карап барсаң, җырчының спорт белән шөгыльләнүен күрергә була. 12 еллар элек Лилия үзен искә төшергәндә болай ди: «Тум-түгәрәк бит очларымнан тоталар иде. Шундый ошамый иде алай итүләре. Бер мәлне гашыйк булдым! Нәкъ менә гашыйк булуым минем өчен ябыгуга зур мотивация булды».
Әмма бу егет белән Лилия бергә булмый, алар хәтта күрешми дә. «Ул язмышыма мине ябыктырыр өчен килгәндер», – дип искә ала җырчы.
Ул вакыттагы ябыгу ысуллары, Лилия сүзләренчә, бик дөрес булмаган. «Спорт залына да йөрдем, бассейнны да калдырмый иде. Менә кешечә ашамавым хата булды. Дөрес туклану ашамау дигәнне аңлатмый ул», – ди җырчы.