Лилия Сәлахетдинова туу белән вафат булган улын юксына: «Сагынам кочмаган нәнине»
Яңа язган шигыре белән шагыйрә инстаграмда бүлешә.
Шагыйрә Лилия Сәлахетдинова туу белән вафат булган нәни баласын юксынып, шигырь иҗат иткән. Аны инстаграм дусларына да тәкъдим иткән.
Юксынам күпләрне,
Күргәнне, кичкәнне.
Сагынам мин сине,
Кочмаган нәнине.
Яңартам төннәрне,
Хисләрне, сүзләрне.
Кызганам йөрәкне,
Тип яме, түз әле.
Бе көчле, мин синле,
Һәрвакыт син минле.
Һичшиксез яшәргә тиеш без.
Хәтерләп мәңгелек җәннәтне.
Истә тот, без көчле, йөрәкле.
«Йөрәк түреннән чыккан сүзләр», «Горурланам сезнең белән. Шундый кечкенә кешедә, нинди олы йөрәк», «Җан сыкравы тән авыртуына караганда да хәтәррәк шул», — дип язган инстачылар.
Алар барысы да шагыйрәгә сабырлык теләгән.