Җырчы Лилия Муллагалиева бу көннәрдә хастаханә юлларында йөри. Җырчының әтисенә катлаулы операция ясаганнар.
«Бүген мин әти янында постта. Иртәгәгә әзерләнәбез. Аллаһ ярдәменнән ташламасын», — дип язган иде ул операция алдыннан үзенең социаль челтәрләрдәге сәхифәсендә.
Озак та үтми, җырчы сөенечле хәбәр дә җиткерде. Операция әйбәт үткән, әтисенең хәле тотрыклы.
«Әтинең операциясе уңышлы узды. Үз аңына килде. Барыгызга да изге теләкләрегез өчен зур рәхмәт», — диде Лилия Муллагалиева.
