Лилия Локмановадан 30 килолы кабак тарихы
Лилия Локмановадан 30 килолы кабак тарихы
Журналист Лилия Локманова инстаграмында кабак фотосы куйган һәм кабак белән бәйле бер хәтирәсен язган.
"Кабак быел бик уңган, самавырдан да зурлар! Бәрәңгедән соң бездә кабак, аннан чөгендер сезоны башлана. Елдагыча, быел да кабак уңышы мулдан. Трактор арбасы чак кына тулмады. Әмма булганы белән.
Бер елны бездә әкәмәт зур кабак үсте. 30 килодан артык булгандыр, билләһи! Минем мәктәптә укыган вакыт. Сентябрь-октябрь аенда мәктәптә көзге бал оештыралар. Аның алдыннан исә җыелган уңыштан яшелчәләр күргәзмәсе ясыйлар. Без шул кабакны алып барырга булдык. Күтәреп бара алмагач, әти трактор арбасына салып илткән иде. Аннан соң ни булып беткәндер ул карета кадәрле кабак белән, хәтерләмим. Әмма анардан зуррагы әле үскәне юк", - дип язган Лилия.
Ә сездә быел уңыш нинди? Чиләк кадәрле кыярлар, карбыз кадәрле помидорлар, шалкан кадәрле суганнар үстердегезме? @intertat.tatar инстаграмына юллагыз, сезнең уңыш фотосын да сайтыбызда күрсәтербез.