Лилия Кадыйрова Алинә Айдарованың шигырен укый: «Чираттагы тузга язмаган шигырь...»
Алинә Айдарованың бу шигыре яшьлеккә багышланган.
«Китап» радиосының продюсеры Лилия Кадыйрова журналист Алинә Айдарованың «Их, яшьлегем» шигырен укый.
«…Ыгы-зыгылы дөньяда вакыт табып,
Хат язарга булдым сиңа.
Бер тын алып.
Алинәнең чираттагы тузга язмаган шигыре, әмма миңа ошый. Шундый тәмле укыла», — дип язган Лилия үзенең «Инстаграм» челтәрендә.
Җырчы Илсөя Бәдретдинова пост астында: «Бигрәк матур», — дип язган. Шулай ук: «Бик матур! Тын алмыйча тынлыйсы гына килеп тора!» — дигән сүзләр дә бар.
Сез дә тыңлап карагыз әле.
Лилия сүзләренчә, Алинәнең шигырьләре башкаларныкына охшамаган. «Ул үзен шагыйрә, дими. Әмма тәмле итеп яза ул. Яза да миңа җибәрә. Иң мөһиме — аның шигырьләрен аңлау кирәк. Без инде күптән таныш. Аның туенда кәләш чәчәген дә мин тоттым. Төрле мәҗлесләрдә дә күрешәбез, шуңа күрә мин Алинәне аңлыйм», — ди ул.
