Лилия Хәйруллинадан бал торты рецепты
Бал тортының камырын артык тыгыз итәргә ярамый, чөнки пешкәч коржлар каты булачак.
Камыр өчен: 3 аш кашыгы бал, 2/3 стакан шикәр комы, 100 грамм атланмай, 1 бал калагы сода, 2 йомырка, 3 стакан он.
Бал белән атланмайны «су мунчасы»нда бер масса булганчы эретергә кирәк. Аннары бу массаны суытырга, калган ингредиентларны салып камыр басарга.
Җәймәне пергамент кәгазьгә куеп җәяргә, тәлинкә куеп кисәргә һәм кәгазе белән табага күчерергә. Шул рәвешле 200 градуска кадәр кызган духовкада пешерергә.
Бер җәймәне вакларга һәм тортны җыйгач, өстенә, шулай ук кырыйларына сибәргә.
Крем өчен: 250-300 грамм кибет каймагы, кайнатылган куертылган сөт (вареная сгущенка).
Крем өчен каймак белән куертылган сөтне яхшылап болгатырга һәм коржларга ягып, торт җыярга.
Чәйләрегез тәмле булсын!
.
