Лилиана Ирназарова хастаханәгә эләккән...

"Декабрь буе эшләдем, бик нык арыдым. Организм да көчсезләнде. Яңа ел ялларын гаиләм белән үткәрергә, аларга тәмле ризыклар пешерергә уйлаган идем. Ләкин, кинәт кан басымы төшү сәбәпле, хастаханәгә ятарга туры килде. Уфа хастаханәсендә дәваланам", - дип сөйләде Интертатка Лилиана Ирназарова.

Якыннары, дуслары хәлләрен белешеп, Лилианага шалтырата, яза. Барысы да җырчының сәламәтлеге өчен борчыла. Без дә Лилиананың савыгып, көч җыеп, гаиләсе янына кайтуын телибез!