Лилиана Ирназарова 15 килога ничек ябыккан?

– Ябыгу буенча мин үз-үземә төрле сынаулар, бәйгеләрне үткәреп кенә торам, - диде Лилиана “Татар-информ” хәбәрчесенә. – Чөнки минем характерым шундый, стимул булмаса, берни дә эшли алмыйм. Ябыгу белән дә шулай ук.

Ирем белән Италиягә баргач, үземнең авырлыгымны белә торып, махсус ике үлчәмгә кечерәк костюм алдым. Җәй көне шуны кию өчен үземне нык кулда тоттым, августта булса да кияргә өлгердем, - диде җырчы.

Лилиана ике ай эчендә 15 кило авырлыктан котылган.

• Рационның күп өлешен су алып тора. Баш бик нык әйләнә башласа гына витаминнар, күрәгә кебек җимешләр ашап куя идем. Баллы, камырлы һәм крахмаллы ризыклардан тулысынча баш тарттым. Бәрәңге дә, дөге дә ашамадым. Суда пешкән карабодай ашап тордым. Кәбестә бик файдалы. Аны көне буе теләсә нинди формада ашарга була, - ди Лилиана Ирназарова.