Җир тирәли җәяү әйләнеп кайту өчен ничә сәгать вакыт кирәк? | intertat.tatar

Җир тирәли җәяү әйләнеп кайту өчен ничә сәгать вакыт кирәк?

Роберт Гарсайд 5 ел да 8 ай эчендә Җир тирәли әйләнеп кайткан, ул 50 пар аяк киеме туздырган.

Җир тирәли җәяү әйләнеп чыгу мөмкинме? Бу хакта фактлар турында сайтта аңлаталар.

Җирнең экваторы 40 мең км озынлыкта. Физик яктан сәламәт кеше сәгатенә 5 км тизлек белән барса, аңа 8 мең сәг кирәк була. Көненә 8 сәгать барса, 1 мең көн яки 2 ел да 9 ай була.

Әлбәттә, бу теориядә шулай. Чынлыкта юл шактый катлаулы була.

Мондый гаҗәеп сәяхәткә беренче тапкыр чыгучы кеше — Британиядә яшәгән Роберт Гарсайд. Ул Нью-Дели шәһәреннән чыгып киткән һәм шунда ук 5 ел да 8 айдан кайтып җиткән. Әлбәттә, ул диңгез һәм океаннар аша судноларда барган, самолетларда очкан. Шушы юлда ул 50 пар аяк киеме туздырган, диелә хәбәрдә.