«Үлгән кеше чәче түгелме икән?» — Гөлназ Сәфәрова сары чәч «өстәткән»
Алып баручы яңа прическасын күрсәтте.
Татарстанның атказанган артисты Гөлназ Сәфәрова чәч төсен үзгәртергә булган. Ул чәчен буятмаган, ә саргылт төстәге табигый чәч «өстәткән».
«Бу төскә озакка түзәрменме? Әлегә бик ошый», — дип язган ул.
Гөлназның виртуаль дуслары бу үзгәрешне ошаткан.
«Кәефкә карап яшәргә кирәк. Мин чәчемне еш үзгәртәм. Телисең икән чәчеңне үстерәсең, аннары „керпесыман“ кистереп атасың. Шулай яшәве кызыклырак», — дип язган экспериментлар яратучы берәү.
«Әлбәттә, матур. Тик ул үлгән кеше чәче түгелме икән?» — дип шикләнгән бер инстачы.
