Кирәкле ингредиентлар: төче камыр – 80 г. Эчлек өчен: тавык ите – 60 г, бәрәңге – 60 г, башлы суган – 20 г, атланмай – 5 г, тәменчә тоз, борыч.
Эш барышы: Төче камыр басабыз һәм 30–40 минут плёнка белән каплап тотабыз. Эчлек әзерләү: тавык ите белән бәрәңгене шакмаклап, суганны вак итеп турыйбыз. Тоз, борыч сибеп, атланмай кушып, яхшылап болгатабыз. Камырны 80 г лы кисәкләргә бүлеп, зур (75 г) һәм кечкенә (5 г) җәемнәр җәябез. Зурысына эчлек салабыз һәм аның өстенә кечкенә җәемне каплап, кырыйларын тоташтырып, бөреп куябыз.
Рецепт «Татар халык ашлары» китабыннан алынды. Китапны tatkniga.ru сайтында сатып алырга мөмкин.
