14 августта Мәскәүдәге Боткин хастаханәсендә легендар клоун «Андрюша» – РСФСР халык артисты Андрей Николаев 85 яшендә вафат булган. Бу турыда «Росгосцирк»ка сылтама белән РЕН ТВ хәбәр итте.
Кайгынамәдә әйтелгәнчә, Николаев оригиналь эксцентрик номерлар һәм образлар тудырган. Клоун номерларны һәрчак үзе уйлап тапкан һәм куйган, тамашачыларны трюклары белән шаккатырган.
«Дөнья аның совет клоунының язмышы һәм тормышы белән рухландырылган талантлы репризаларын хәтерли», – диелә хәбәрдә.
