Әлеге минутларда Башкортстанда фаҗигадә ике нәни бала һәм олы кеше янып үлгән
Ишембай шәһәрендәге йортны ялкын тулысынча чолгап алган.
Башкортстанда янгында өч кеше һәлак булган. Алар арасында 3 һәм 5 яшьлек ике бала бар. Бу турыда РЕН ТВ хәбәр итте.
Әлеге минутларда урында коткаручылар эшли.
Фаҗига Ишембай шәһәрендәге Гоголь урамында булган. Коткаручылар килеп җиткәндә, ялкын бөтен өйне чолгап алган була, диелә хәбәрдә.
Соңрак һәлак булучылар саны дүрт кеше булуы ачыкланды. Бу турыда «Башинформ» хәбәр итте.
Урында тикшерүчеләр дә эшли. Республика буенча Тикшерү идарәсе белешмәсе буенча, бер катлы торак йортта кич белән янгын чыга. Аны сүндергәндә ир-ат, хатын-кыз һәм ике бала мәете табыла.
