«Әле генә 60 яшен бәйрәм иткән иде» — Дилә Нигъмәтуллина якынын югалткан
Җырчының якын туганы вафат булган.
Җырчы Дилә Нигъмәтуллинаның якын туганы вафат. Рәшит абыйсының (әнисенең энесе) хатыны Земфира ханым нибары 60 яшендә мәңгелеккә китеп барган. Ул бу хакта үзенең инстаграм сторисларында яза.
«Озаттык… Тыныч йокла, Земфира апа. Урының оҗмах түрләрендә булсын. 24 сентябрьдә үзенең 60 яшьлек юбилеен бәйрәм иткән иде. Фатиры чәчкәләр белән тулган, карарга да авыр. Рәшит абый белән гел бер-берсеннән калмыйлар иде. Гел бергә булдылар. Ничек яшәр ул аннан башка?» — дигән Дилә Нигъмәтуллина.
