«Лайкларга кызыгып чишенмә!» - Лилия Кадыйрова егетләрне кызыктырып фото куйган
«Татар радиосы» һәм «ТМТВ» телеканалының элекке алып баручысы Лилия Кадыйрова диңгез ярында төшкән фотолар урнаштырган.
Баксаң, берничә көн элек Лилия Кадыйрова Инстаграм битендә җилкәләрен ачып төшкән фото куйган һәм «Ләззәтләнәбез!» — дип язган.
«Чишенеп бет инде», — дигән «Татар радиосы» алып баручысы Ленар Гыйләҗев.
«Бу фото мең лайк җыйса, чишенәм», — дип җавап кайтарган Лилия Кадыйрова.
Берничә көннән Лилия Кадыйрова тагын да ачыграк фотолар кертеп, яңа пост урнаштырган.
«Төркия! Бу илдән курка идем. Башка илләрне ябып бетергән очракта гына, Төркиягә очармын, дип уйлый идем. Менә! Яптылар. Һәм мин монда. Дүрт йолдызлы кунакханәдә биш көнлек юллама — 16 мең. Шәп! Барыгызга да күңелле яллар! Рәхәтләнеп яшибез!» — дип язган ул.
«Ашыкма, Лилия, чишенерсең. Ышанычлы, терәк булырдай, җил-яңгырдан ышыклап, кочагында җылытырдай кеше тап башта. Лайкларга кызыкма. Алар бары тик үзеңнең мөһимлегеңне күрсәтә торган иллюзия генә», — дип киңәш биргән бер инстачы.
«Шәп!», «Кызыктырасың егетләрне», Күңелле яллар», «Болай кызынмыйлар инде», «Шәрә тәннәр аз», «Хәзер кайта алмыйсың инде, иртәгәдән ябалар. Аэропортлар эшләүдән туктый», — дип язучылар да бар.