Көнбатышның Минск килешүләре шартларындагы гамәлләре АКШның Кара диңгездә һәм Британиянең Азов диңгезендә хәрби базаларын барлыкка китерүгә алып барган. Бу хакта Россия Тышкы эшләр министры Сергей Лавров СМИД ОБСЕ нәтиҗәләре буенча узган матбугат конференциясендә сөйләде, дип яза «Российская газета».
Министр сүзләренчә, бу хәл Россия өчен кабул ителмәслек куркыныч тудырган. «Әгәр картаны күз алдыгызга китерсәгез, бу – бернинди шартларда да кабул ителмәслек хәл», – дигән Лавров.
Сергей Лавров әйтүенчә, хәзерге вакытта Украинадагы кризисны тыныч юл белән җайга салу турында сөйләү авыр. Украина Президенты Владимир Зеленскийның Мәскәү белән сөйләшүләрне тыя торган декрет чыгаруы моның бер сәбәбе булып тора.
Россиягә әлегә кадәр Киевтан яки аның «хуҗаларыннан» сәяси җайга салуга әзерлек буенча сигналлар күренми. Сергей Лавров, сөйләшүләрне башлау өчен, кимендә, ике як булырга тиеш, диде.