Аш-су блогеры Илүзә Хөснетдиновадан ләвәшле иртәнге аш рецептын тәкъдим итәбез.
Ингредиентлар: юка ләвәш, бәрәңге боламыгы, колбаса, яшел суган, сыр, майлау өчен – йомырка сарысы һәм бизәү өчен – көнҗет орлыгы.
Эчлек өчен ингредиентларны бергә салып болгатырга (боламык, шакмакмаклап туралган колбаса, яшеллек, эре угычтан уылган сыр).
Ләвәшне кирәкле үлчәмдә кисеп чыгарга. Ләвәшкә эчлекне салырга һәм рулет итеп төрергә. Табаны майларга яки пергамент кәгазьгә җәяргә һәм рулетларны тезеп чыгарга. Аларны йомырка сарысы белән майларга, вак угычтан уылган сыр һәм көнҗет орлыгы сибәргә.
Рулетларны 200 градуска кадәр кызган духовкада 15 минут тотарга.
Шул ук рулетларны газ өстендә ике ягын да кыздырып алырга мөмкин.
Тәмле булсын!
Видео Илүзә Хөснетдинованың социаль челтәрдәге битеннән алынды.