Ландыш Нигъмәтҗанованың кечкенә кызы Ләйлә яңа эшкә урнашкан
Ләйләне Камал театрының инстаграм сәхифәсендә яңа актриса дип таныштыралар.
Ландыш Нигъмәтҗанованың кызы Ләйләне Камал театрына алганнар. Кечкенә Ләйлә театрның яңа сезон спектакльләрендә уйнаячак булса кирәк. Бу хакта Камал театрының инстаграм сәхифәсендә язганнар. «Игътибар! Бездә яңа актриса! Таныйсызмы бу талантлы кызчыкны?» — дип сораганнар анда.
Ләйлә сыйфатын килештереп, чабаталар киеп, шәл ябынып, грим бүлмәсендә фотога төшкән.
Инстачылар сәләтле кызчыкка уңышлар тели.