Ландыш Нигъмәтҗановага: «Котны алдыгыз, бүтән мондый фото куя күрмә!»
Социаль челтәрдәге фотода җырчының бер кулы күренми.
Җырчы Ландыш Нигъмәтҗанова филармониядәге баскычларда фотога төшкән. Бу сурәтләрне ул Инстаграмындагы сәхифәсенә куйды.
Фотода Ландышның сул кулы бөтенләй дә күренми, ул кулсыз кебек тора. Инстачылар моңа бик борчылган. «Котны алдыгыз, бүтән мондый фото куя күрмә», диләр.
Аннары Ландыш ике кулын да күрсәтеп фото куйды. «Чыннан да теге постта кулым юк сыман. Рәхмәт кайгыртуыгызга», — дип яза ул.
Бер инстачы күлмәген дә тәнкыйтьләп алган. «Матуркаем, барлык күлмәкләреңне кабат карап чыктым, синең мондый җиңле күлмәк кигәнең юк иде. Мөмкин булса, кимә дә. Күлмәге бик матур, ләкин җиңе синеке түгел. Ачуланма яме, матурым. Мин бары синең җырларыңны яратып тыңлаучы, сокланып караучы гына», — ди ул.
