Ландыш Нигъмәтҗанова: "Авылга кайтып, сыер тотар идем, сөт сатар идем"
Ландыш Нигъмәтҗанова: "Авылга кайтып, сыер тотар идем, сөт сатар идем"
Җырчы Ландыш Нигъмәтҗанова бала чагында сыер сауган икән. Бу хакта ул инстаграмда язган.
"Бала чактан яратам авылны! Авыл мине күп нәрсәгә өйрәтте, эшкә: печән чабарга, ат җигәргә, туарырга, бәрәңге утыртырга, алырга, бакча сукаларга... Һәм башка эшләргә, ә иң яратканы - сыер саварга! Төнлә урамнан кергәннән соң да, иртән иртүк 5тә торуы минем өчен шатлык иде, сыер савам бит.
Ә хәзер авылда аппарат сава икән, бер караганда шәп инде, җиңел, ә икенче караганда...
Кайтыр идем авылга, сыер тотар идем, савар идем, сөт сатар идем!" - дип язган Ландыш.
"Сыер сәхнә түгел ул", "Әйтүе генә җиңел, бер сыер белән авылда яшәп булмый", "Сөт сатып кына яшәп булмый шул", - дип "җиргә тартып төшерә" Ландышны инстадашлары.
"Ландыш, син булдырасың, кайт авылга", - дип язучылар да бар.