ТМТВ телеканалының Яңа ел кичәсен төшергәндә, җырчы Ландыш Нигъмәтҗанова моннан 19 ел элек үзен таныткан «Әллә язмыш көләме?» җырын башкарган. Шунысы да кызык – җырчы нәкъ шул еллардагы образын да кабатлаган. Сәхнәгә ак күлмәк, кыска кызыл шортик, биек үкчәле кызыл босоножки киеп чыккан. Җырчы әлеге чыгышын социаль челтәрдәге сәхифәсенә куйды.
Язылучылары Ландышның, еллар узуга карамастан, бер тамчы да үзгәрмәвен билгеләп үтәләр. «Ландыш, бу чыгышта барысы да искиткеч. Әмма бер «но» бар – сез картаерга оныткансыз», «Шәп», – дип язалар.
4 бала әнисенең әлеге образын күреп: «Ландышны бу киемнәрдән күргәч, бер миңа гына уңайсызмы?» – дип комментарий калдыручы да булган.
Сезгә «элекке» Ландыш ошыймы?
