Ләйсән Сөнәгатова Алсу Хисамиева репетуарындагы «Татар-башкорт такмаклары»н яңартып яздырган. Җырны музыкаль мәйданчыкларда тыңларга була.
«Алсу Хисамиеваның бөтен җырларын яттан белә идем һәм бу «Татар-башкорт такмаклары»н аеруча яратам. Студент вакытта остазым-укытучым аранжировка ясап, концертларда мине җырлата иде. Вакыт үтте, ләкин бу җырга мәхәббәт кимемәде, һәм мин аңа яңа сулыш өреп, үз репертуарыма кертергә булдым. Алсу каршы булмас дип уйлыйм. Бик күңелле һәм дәртле җыр, үзем шикелле. Рәхәтләнеп тыңлагыз һәм бөтен мәҗлесләрдә рәхәтләнеп, дәртле итеп биегез», – дип язган Ләйсән.
«Алсу Хисамиеваны мин дә бик ярата идем. Сез аннан ким җырламыйсыз, тавышыгыз бик матур!»;
«Җыр да, Ләйсән дә шәп һәм күңелле», – дип бәяләгән тыңлаучылар.
