Җырчы Ләйсән Гыймаева социаль челтәрдәге сәхифәсендә чәй янына тәмлүшкә пешерү рецепты белән уртаклашкан.
Ингредиентлар: 2 кап 5 процентлы эремчек, 1 йомырка (+ 1 йомырка агы), 2 аш кашыгы шикәр комы, 1/3 тоз, ½ аш кашыгы ванилин, ½ аш кашыгы көпшәкләндергеч, 100-150 грамм дөге оны.
Эчлек өчен 200 грамм йогырт (греческий), 1 аш кашыгы шикәр оны (баллы яратучылар күбрәк сала ала), 1 йомырка сарысы, үзегез яраткан катырылган җиләк.
Камыр ингредиентларын бергә салып болгатырга, уртача зурлыкта шарчыклар ясарга, онда әвәләргә һәм пәрәмәч камыры рәвеше бирергә, уртасына стакан белән басып эчлек өчен урын ясарга, эчлекне салырга. Аннары җиләкләрне тезәргә.
180-200 градуска кадәр кызган духовкада 20-25 минут пешерергә.
Тәмле булсын!