Булат Бәйрәмов белән Ләйсән Гыймаева Укытучылар көненә багышлап видео төшергән. Видеода Булат – укучы, ә Ләйсән укытучы ролендә төшкән.
– Ну, Бәйрәмов, бернәрсә дә белмисең. Башыңда – бушлык. Утыр, «икеле».
– Ләйсән Радиковна, ничек инде, сез, табигатьтән бирелгән педагог, мине бу имтиханга «икеле»лек кенә әзерләдегез?
– Ярар, күп сөйләшмә, «өчле».
– Узган ел районыбызның иң яхшы укытучысы, күпләргә үрнәк, эталон.
– Булды дим, Бәйрәмов, «дүртле». Бар, кайт!
– Бөтенрәсәй укытучылар конкурсы финалисты. Илебез педагогикасының горурлыгы. Сухомлинскийның дәвамчысы – ул бит сез. Чын укытучы нинди булырга тиеш, дип сорасалар, мин нәкъ менә сез, сезнең кебек, дип җавап бирәм.
– «Бишле», тик, зинһар, күздән югал! Уф!
«Бу егеткә «бишле» инде. Моның кадәр матур сөйли, моның башы буш түгел»; «Чын артистлар сез»; «Ә шулай да эшләп буламыни аны»? – дип комментарийлар калдырган караучылар.