Ләйсән Гыймаева август урталарында ук социаль челтәрдәге сәхифәсендә авыруы турында хәбәр иткән иде. Ул бүгенге көнгә кадәр ютәлдән котыла алмый икән.
«Хәлем бик әйбәт түгел. Коры ютәл. Коточкыч! Шушы авыл сөте бераз тынычландырды», – дип язды җырчы 1 ай элек.
Аптырагач, ул пульмонологка барган. Җырчы, табиб кушуы буенча, пульмикорт белән ингаляция ясый башлаган.
Җырчыга дәвалануның шифасы булсын, дигән теләктә калабыз.
Шулай ук Илсөя Бәдретдинова, Фирдүс Тямаев, Дилә Нигъмәтуллина да көчле вирустан зарлана.
