Ләйсән Гыймаева белән Булат Бәйрәмов социаль челтәрләрдә кызыклы видеолары белән уртаклашып тора. Иҗади гаиләне күзәтеп баручыларга кайбер идеяләрне башкалардан алулары ошамаса да, икенчеләре нәкъ менә аларныкы кызык килеп чыгуы турында яза.
Видеода күренгәнчә, Ләйсән Булат өчен тырышып йомырка тәбәсе ясый, әмма борычны күбрәк сибеп җибәрә. Бу хатасын төзәтү өчен, ул борычны тузан суырткыч белән суырта башлый. Тик борычтан арынып бетәм дигәндә генә көтмәгән хәл була… Тузансуырткыч йомырканы да «йота».
«Иремә романтика ясыйм дип… Болай эшли күрмәгез», – дип тә кисәткән җырчы.
«Өйдә соңгы йомырка да булса», «Булды бу романтика тузан суырткычка», «Аннары тузан суырткычтан алып, юып, кире тәлинкәгә куйдыгызмы», – дип язган видеоны ошатучылар.
«Ризык белән уйнау дөрес түгел» дип шелтәләп алучылар да, шулай ук «тузансуырткычны юасы бар» дип кайгыручылар да бар.