Җырчы Ләйсән Гыймаеваны таныткан легендар җыр – «Яшьлегем чишмәләре»нә 20 яшь икән инде. Бүген Ләйсән аны концертларында буйга җиткән кызы Таңсылу белән башкара.
«Яшьлегем чишмәләре»нә – быел 20 ел. Иҗат ителгәненә, бәлки, тагын да күбрәктер. Әлеге җырның исеме – минем икенче исемем кебек ябышып калды. Кая барсам да: «Ой, әнә яшьлегем чишмәләре килә», – диләр...
20 ел эчендә мин нык үзгәргәнме соң? Әлеге җыр белән сезне нинди хатирәләр бәйли?» – дип язган җырчы социаль челтәрдәге сәхифәсендә.
«Күпме еллар җырланса да, бу җырны тыңлыйсы килеп тора»;
«Искиткеч, үзеңнең яшьлектә җырлаган җырыңны хәзер кызың белән башкару – бик уңышлы»;
«Яраткан җырым һәм клип. Сез шундый яшь булгансыз һәм без дә»;
«Бу җыр яшьлеккә алып кайта»;
«Безнең мәктәп бетергәнгә дә 20 ел. Бу җырны беренче тапкыр класс белән «Пирамида»га концертка килгәч ишеткән идем...» – ише комментарийлар язганнар Ләйсәнгә.
«Минем хатирәм бар: клип премьерасын күрсәткәч, әнинең энесе Ирек абый, шаярып: «Ник, энем, атта үзең йөреп, баянда үзең уйнап, клипта төшеп булмадымыни?» дигән иде», – дип, ул чакларны искә алган җырчының ире, танылган алып баручы Булат Бәйрәмов.