Хәрби операциядә һәлак булган Фәнис Хөсәенов истәлегенә Ләйлә Кәрамова шигырь язган

Азнакай шәһәрендә яшәп иҗат итүче Ләйлә Кәрамова Украинада БТР куып алып киткән татар егете Фәнис Хөсәенов истәлегенә багышлап шигырь язган.

«Фәнис, син үлмәдең безнең өчен,

Күк йөзеннән генә карыйсың.

Туганнарым, юксынмагыз, диеп,

Барчабызны, безне барлыйсың!

Синең батырлыгың онытылмас,

Кабереңә гөлләр чәчәрбез.

Их, батыр егете Тәтешленең,

Тыныч йокла, зинһар, диярбез!

Дошман танкын урлап качтың, Фәнис,

Искитәрлек олы батырлык.

Хөрмәт итеп, өең яннарына

Сурәтеңнән һәйкәл куярлык!

Авыл егетенең батырлыгы

Соклану тудыра һәркемдә.

Иптәшләрен коткарып, үзе мәрхүм –

Баш иябез шуның өчен дә! 

Беркемем булмаса да, йөрәк әрни,

Якыннарга бирсен сабырлык. 

Яшь буынга синдәй батырларны

Горурланып искә алырлык!

Авыр туфракларың җиңел булсын.

Әниеңә бирсен түземлек.

Их, нинди егетне югалттык бит,

Үзәккәйләреңне өзәрлек!» 

Ләйлә Кәрамова.