Җырчы Ләйлә Галиева әнисе һәм 2 кызы белән Төркиягә ялга киткән. Ләйләнең әнисенең моңа кадәр ялга барганы булмаган. Диңгезне дә үз гомерендә беренче тапкыр күрүе. Җырчы әнисенә шул рәвешле кадер-хөрмәт күрсәтергә, аңа матур урыннар күрсәтергә, шәп ял оештырырга уйлаган.
«Төркиядән сезгә ялкынлы кайнар сәлам. Чыннан да иң якын кешеләрнең берсе, ул да булса – бердәнбер газиз әнием.
Күптәнге хыялларымның берсе – әниемне чит илгә алып барып ял иттерү иде. Әлеге максатыма ирештем.
Рәхмәт, әнием, минем янәшәмдә булганың өчен. Сиңа мең-мең рәхмәтлемен. Шушы ял сиңа файдага гына булсын.
Бүләк итегез әниләрегезгә ял, алар дөньяда берәү генә», – дип язды бу хакта Ләйлә социаль челтәрдәге сәхифәсенә.
«Афәрин, Ләйлә. Әниегезгә күрсәткән кадер-хөрмәтегез өчен Аллаһы Тәгалә үзегезне зурласын. Киләчәктә үзегезгә дә кызларыгыз тарафыннан хөрмәт күреп яшәргә насыйп булсын», – дип матур теләкләр язалар һәм яхшы яллар тели аларга Ләйләнең «язылучылары».