Татар эстрадасы җырчысы Ләйлә Галиева үзе белән гаилә корырга теләгән ир-атның нинди булырга тиешлеген сөйләгән. Ак атка атланган шахзадә көтмәсә дә, артистның таләпләре гадиләрдән дип әйтмәс идек.
«Булачак ирем мине яратырга, хөрмәт итәргә, игътибарын кызганмаска, бүләкләр бирергә, мине ничек бар шулай һәм балаларым белән кабул итәргә тиеш», – дигән җырчы.
Шулай ук Ләйлә Галиева янәшәсендәге парының аңа бүләкләрне атна саен биреп торуын, көнләшмичә генә, сәхнә эшен аңлап кабул итүен дә тели.
Ләйлә Галиева тагын бер кызык фикер җиткергән. Гадәттә, хатын-кызларның үзләреннән өлкәнрәк ир-атларга күзе төшә. Ләйлә исә булачак тормыш иптәшенең үзеннән 9-10 елга яшьрәк булачагына өметләнә.
Җырчы элекке ире Рөстәм Галиев белән моннан берничә ел элек аерылышты. Интервьюларда сөйләгәнчә, алар элекке тормыш иптәше белән икесе дә лидер булырга омтылган. Бу исә гаиләнең ныклыгы какшауга китергән.