Шагыйрә, мәҗлесләр алып баручы Ләйлә Дәүләтова никах туйларына артистлар чакыру яклы түгел. Аның фикеренчә, туй, никах мәҗлесендә бөтен игътибар кәләшкә булырга тиеш.
«Туйда җырларга кайсы артистны чакырыйк икән?» – дип сорыйлар миннән. «Чакырмагыз берсен дә. Үз туганнарыгызны җырлатабыз, уйнатабыз», – дим мин. Бөтен игътибар артистка китәчәк, бөтен акча да. Туйда иң мөһим, иң матур кеше – кәләш кенә булырга тиеш.
Ә инде юбилейга ярый! Юбиляр хатын-кыз булса – берәр ир-ат җырчыны, ир-ат булса, Илсөя Бәдретдинова кебек бөтенесен аяктан егарлык берәр хатын-кыз җырчыны чакырырга була», – дип киңәшләрен яза ул социаль челтәрдәге сәхифәсендә.
Ләйлә Дәүләтова үзе алып барган Раилә һәм Илшат Мусиннар туеннан кайбер мизгелләр белән дә уртаклаша. «Егет бәхетле, кыз – бриллиант. «Иман нуры» мәчете, затлы, матур мәчет. Искиткеч талантлы кунаклар. Шәп җырлыйлар бит, әйеме», – дигән ул.
Ә сез бәйрәмегезгә кайсы артистны чакырыр идегез?
