Россия Гадәттән тыш хәлләр министрлыгыннан лайфхак: ут капса – челтәрдән ал да суга сал.
Электровелосипед, электросамокат, кәрәзле телефон, пауэрбанк литий-ионлы аккумулятордан эшли. Бу чыганакка ут капкан очракта, ул бары тик тулысынча суга салып кына сүндерелә. Бу турыда Россия Гадәттән тыш хәлләр министрлыгының Татарстан буенча Баш идарәсе телеграм-каналында хәбәр ителә.
Әлмәттә җир асты парковкасында электросамокатка ут капкан. Утны коткаручылар килгәнче сүндергәннәр, зыян күрүчеләр юк, диелә хәбәрдә.
