Татарстанның Лаеш районы Комлы Кавал авылындагы Кавал күлендә ир-ат белән хатын-кыз сапбордта йөзгәндә фаҗига булган. Бу хакта «Татар-информ» хәбәр итә.
Бер мизгелдә аларның икесе дә тактадан суга егылып төшкән. Россия Гадәттән тыш хәлләр министрлыгының ТР буенча Баш идарәсе матбугат хезмәтендә «Татар-информ»га хәбәр итүләренчә, 36 яшьлек хатын-кызны очраклы күреп алучылар коткарган – аны яр буеннан 100 метр ераклыктан алып чыкканнар. Табиблар ярдәменнән ул баш тарткан.
Фото: © Россия Гадәттән тыш хәлләр министрлыгының ТР буенча Баш идарәсе матбугат хезмәте
36 яшьлек ир-ат батып үлгән. Аның мәетен водолазлар 8 метр тирәнлектән табып чыгарганнар. Әлеге урын су коену өчен җиһазландырылмаган, диелә хәбәрдә.
