9 мартта Татарстанның Лаеш районында М12 трассасында җитди юл-транспорт һәлакәте булган. Бу турыда «Татар-информ» хәбәр итте.
Районның Дәүләт автоинспекциясе белешмәсе буенча, Екатеринбургка таба баручы Kia Ceed автомобиле йөртүчесе имин тизлек һәм дистанция сайламаган. Ул алда бара торган «Лада Калина»га бәрелгән. «Лада» исә икенче «Калина» машинасын тарттырып алып бара торган булган.
Юл-транспорт һәлакәте нәтиҗәсендә алты кеше зыян күргән, үлүчеләр юк.
