Ләйсән Мәхмүтовага: «Басып булдыра алмагач, ятып булса да тырыша»
Казан филармониясе артистлары Сомбел Билалова һәм Ләйсән Мәхмүтова Инстаграм битләренә кызык видео урнаштырганнар.
Фитнес үзәктә артистларның һәрберсе үзенчә шөгыльләнә: кемдер «вакыт үткәрә», кемдер селфи төшерә. Инстаграм укучылары, филармония артистларына хезмәт хакын безлимитный фитнес аша биргәннәр ахры, дип фаразлый.
Йөгерү юлында (беговая дорожка) аунап-тәгәрәп ятучы Ләйсән Мәхмүтова инстадусларының кәефен аеруча да күтәргән.
«Самый яхшы спортсмен монда Мәхмүтова. Басып булдыра алмагач, ятып булса да тырыша»;
«Ләйсән, син чукынып төштеңме соң?»;
«Сиңа карап минем дә лишний майларым кимеде», — дип көлешкән инстачылар.
«Ник син генә ауныйсың соң? Башкалар нормально бит», -дип кайгыручы да табылган.
Җырчы Гөлнара Габидуллина «Мәхмүүт, бантигыңны сакла. Без банта это не Мәхмүт», — дип язган.
Әлеге видео җырчыларның фигурасын тикшерергә дә сәбәп булган. Сөмбел Билаловага «Сөмбел, красивая попка», — дип комплимент калдырганнар.
Салмак кына шөгыльләнүче Резедә Шәрәфиевага:
«Беркая да ашыкмыйсыз», — дигәннәр.
«Аның мае юк бит, кая ашыксын», — дип җавап кайтарган икенче инстачы.
«Болай „каты йөгерсә“, тагын да ябыгып бетәчәк бу», — дип тә язганнар.
Чынлыкта видео кәеф күтәрү максаты белән төшерелмәгән икән. Ләкин артистлар бөтен серне дә чишеп бетермәгәннәр.
«Менә шулай булды әле, җәмәгать. Бер ел фитнес-центрга барган юк иде. Бүген сьемка ясадык та… йөрисе килеп китте инде хәзер. Нәрсә төшергәнебезне бик тиздән күрерсез», — дип язган Сөмбел Билалова инстаграмында.