Ләйсән Гыймаеваны күрше малае туган көне белән котлый: «100 яшькә кадәр үлмәгез»
Җырчы котлау видеосын инстаграмда үз сәхифәсенә куйган.
Ләйсән Гыймаева туган көнен билгеләп үтте. Аны котларга күршеләре дә кергән. «Туган көннең иң шәп котлавын күрсәтмичә калдырганмын бит. Кәефегез күтәрелсен әле, курше малае Аслан котлый, бик җитез, акыллы, оста егет ул безнең», — дип язган ул.
Видеода күрше малае кулына тоткан җиләк-җимеш кәрзине артыннан чак күренеп тора. «Ләйсән апа, сезне бәйрәм белән котлыйм! Сез картаймагыз, 100 яшькә кадәр үлмәгез! Балаларны саклагыз!» — дип теләкләр тели Аслан.
«Зәйнәпне сиңа сакларбыз инде», — ди Булат Бәйрәмов.
Инстачылар күрше егетенең дөрес тәрбия алуын сизеп алган.
