Ләйсән Гыймаеваны ирен ашатмауда гаепләгәннәр
Җырчы Ләйсән Гыймаева үзенең “Instagram” челтәрендә кызыклы видео белән уртаклашкан. Әлеге видеода ул кичке ашка нәрсә пешергәнен сөйли.
Ниһаять, бакчаларда яшелчәләр үсте. Кыярлар, кишерләр, кабаклар һәм башкалар. Ләйсән Гыймаеваларның да яшелчәләре өлгергән, шуңа күрә ул нәрсә пешерермен микән дип башын ватып йөрми. Бәйрәмовлар гаиләсе көндез таш кабак ашаса, кичен кыяр ашый икән. Әле десертка кишере дә бар.
Ләйсәннең сәхифәсенә язылучылар төрле фикерләре белән бүлешкән.
“Кичке ашны Булат пешереп ашатсын, гел хатын гына пешерергә, димәгән”, “Булат, дөрес! “Мужикларга” ит кирәк”, “мин дә бүген иргә: “Ит ашамыйбыз, ашказанны ял иттерергә кирәк”, - дидем”, - дип язганнар.
Бер ханым: “Кызыңа ит ашат, җаный. Фигура дип бигрәк сез. Тотар җирең дә булсын бит ул”, - дип язган.
Әлеге видеоны шаяру гына дип кабул итәргә кирәк. “Хатын әйтсә – хак әйтә! Татар хатыннары мәкале”, “Ләйсән, сездән менә дигән театр артисты да чыккан булыр иде. Бигрәк килештерәсез инде”, - дип язучылар да бар.