Ләйсән Гыймаева: «Үстем, ничек телим, шулай көләм!»
Җырчы инстачыларга комплексларны җиңү, үзеңне ярату хакында киңәшләрен бирде.
«Безне балачакта артык кыланмаска, кычкырып көлмәскә, тыйнак булырга өйрәттеләр. Үз-үземә бикләнә торган гадәтем дә, оялчанлыгым да бар иде. Комплексларым дөнья иде… Ә хәзер «үстем». Үземчә яшим! Ни телим, шуны эшлим! Ничек телим, шулай көләм! Ачыла башладым дисәм, дөрес булыр. Монда Булатның ярдәме бик зур.
Мин психолог түгел. Үземнән чыгып, бер-ике киңәш бирә алам. Үзеңне ничек бар, шулай кабул итәргә түгел, ә яхшы якка үзгәрергә тырышырга, үз өстеңдә эшләргә һәм шул чакта үзеңне яратырга өйрәнергә! «Комфорт зона”сыннан ешрак чыгарга кирәк!» — дип язган ул.
