Лəйсəн Гыймаева Рамил Шәрәповка балаларын Бəйрəмовалар дип атауны тыйган

"Балалы солянка" концертында катнашкан Лəйсəн Гыймаеваның балаларын алып баручы Рамил Шәрәпов дөрес фамилия белəн игълан итмəүдə дəгъва белдерə. Рамил Шәрәпов исə моңа карата җавап йөзеннəн Инстаграм битенə видео яздырып керткəн.

"Кичəге концертта алып баручы Рамил Шәрәповның кызларны Бəйрəмовалар дип сəхнəгə чыгаруы бик дөрес булмады дип уйлыйм. Балаларга бу фамилиянең бөтенлəй катнашы юк. Бу псевдонимны Булат Татар радиосында эшли башлаган вакытларда истə калдырырга уңайлы булсын өчен сайлаган булган. Шуңа күрə ул сəхнəдə һəм медиа өлкəдə Булат Бəйрəмов дип билгеле. Ə, чынлыкта, паспорт буенча Булат та, балалар да - Җиһангәрәевлар. Гаиләбездə бары тик шушы фамилия. Шуңа күрə икенче юлы мондый аңлашылмаучанлыклар булмас диеп уйлап калабыз", - дип дəгъва белдергəн Лəйсəн Гыймаева.

Лəйсəнгə җавап бирүчелəр дə бар: 

"Өченче балалары туган, беренчесен кияүгə бирергə вакыт җиткəн. Гомер буе Бəйрəмов булганнар да хəзер ошамый башлаган. Аңа Рамил гаепле түгел инде, Гөлназ да гаепле түгел. Гөлназ белəн ачуланасың килмиме? Ул крутаярак шул, Рамилне гаеплəсəң дə ярыймы? Яки бу бер шоумы хəзер, кешене җəлеп итү ысулымы?"

"Сез язмаган булсагыз, моны кеше белмичə дə кала иде əле. Хəзер именно шуңа акцент ясагансыз. Белделəр инде. Шуңа күрə татар эстрадасында җырчы саен тел сындырырлык псевдонимлар булмасын иде. Җырчы моңлы, матур җырласа. Исем фамилиясе белəн дə истə кала дип уйлыйм", - дигəннəр.  

Лəйсəн Гыймаева исə: "Ə менə мин белсеннəр өчен яздым! Иремне, аның Əнисе хакын яклап язасым килде. Монда бернинди дə гаеп эше күрмим", - дип язган. 

Соңыннан алып баручы Рамил Шарапов бу темага карата җавап буларак, видео яздырып Инстаграм битенə кертте: 
- Көчле алкышлар белəн сəхнəбез түрендə Абашева... 
- Рамил, нинди Абашева булсын? Ул əтисенең псевдонимы гына. Əтисенең чын фамилиясе - Мотыйгуллин. 
- Димəк, сəхнəбез түренə Мотыйгуллина... 
- Юк инде, Рамил! 1988 елда кияүгə чыккач, иренең фамилиясен алды. Иренең фамилиясе - Бирдебиков. 
- Ну, димəк, сəхнəбез түрендə Бирдебикова... 
- Юк, юк инде, Рамил. Ире бу фамилияне ошатмаганга күрə Кудайкулов фамилиясен алган. 
- Юк, Кудайкулова булдымы, Бирдебиковамы əллə Мотыйгуллинамы? 
- Уф, бөтен фамилиялəрне бутап бетердең син! 
- Яшь алып баручыларга киңəшем шул: артистның җиде буын нəселенең биографиясен белмичə, паспортын карамыйча сəхнəгə чакырмагыз", - ди Рамил Шәрәпов видеода. 

"Молодец, Рамил, дөрес җавап", "манчыды", "кем канəгать түгел иде, шул аңлар дип уйлыйм бу видеоны күргəч", - дип комментарийларда язганнар.