Ләйсән Гыймаева нәни кызыннан гер ясаган - видео
Җырчы нәни Зәйнәпне өстенә утыртып физкультура ясый.
Ләйсән Гыймаева нәни кызы Зәйнәп белән бергәләп спорт белән шөгыльләнгәнен сурәтләнгән видеоны инстаграмында күрсәтте. Корсак мускулларын ныгыту өчен күнегүләр вакытында спорт инвентаре - Зәйнәп.
- Быел 17 майда Ләйсән Гыймаева бәби тапты дип хәбәр иткән идек.
Менә җиде айлык Зәйнәп эшкә дә ярый башлаган. Ул әнисенә формада булырга ярдәм итә. Инстачылар исә Ләйсәнгә комплиментлар яудыра. "Матурлар", "яхшы әни", дип язалар.
Зәйнәпнең авырлыгы белән кызыксынучылар да бар. Кызганыч, җырчы физик күнегүләрне ничә килолы "авырлык" белән ясавын гына әйтмәгән.