Ләйсән Гыймаева кар тозларга өйрәтә
Җырчы Җиләк Кычытканова образында яңа видео куйган.
Ләйсән Гыймаева һәм Булат Бәйрәмов яңа видеолар төшерүен дәвам итә. Яңа видеода җырчы Җиләк Кычытканова образында банкаларга кар тутыра.
Видео инстачыларның кәефен күтәргән, «эчләрем катты көлеп», дигән комментарийлар язганнар.
«Кар тозлыйм. Җәй көне дефицит товар була, базыма төшерәм дә куям. Аннары сатам», — ди ул.
«Күбрәк тутырып калырга тырыш, кар суы помидор рассадаларына, гөлләргә яхшы ул»;
«Җиләк Кычыткановадан берни дә калмый, барысын да тозлый»;
«Уңган-булган да инде бу, Җиләк Кычытканова! Гел тиңнәр юк үзенә»;
«Күбрәк тутырырга тырыш кар эреп беткәнче, акчаны күп сугарсың. Яхшы бизнес», — дип шаярткан иҗади гаиләнең виртуаль дуслары.