Ләйлә Дәүләтова белән Айдар Тимербаев яңа хит әзерли
Алар җырның темасы буенча инстачыларга мөрәҗәгать иткән.
Шагыйрә Ләйлә Дәүләтова белән композитор Айдар Тимербаев очрашкан. Алар бергәләп җырлар язарга ниятли. Нәкъ шул хакта Ләйләнең машинасында сөйләшеп утыралар.
Ә җырның темасы буенча инстачыларга мөрәҗәгать иткәннәр. Җиңүче идея авторларына бүләкләр дә вәгъдә итәләр.
Ике авторның иҗатын яратучылар яңа җырның суперхит булачагына ышана.
Инстачылар арасында терлекче, комбайнчыга багышланган җыр сораучылар бар.
Кешелеклелек, дәү әнием, шәфкатьлелек, яшьлек, көз, әти белән кыз, әни белән ул турында җыр язарга тәкъдим иткән шагыйрәнең виртуаль дуслары.
«Кызларым дип җырлаучылар күп, ә уллы әниләргә багышланган җырлар юк», «Бөтен гомерен бер юләр белән яшәп, рәхәт күрмәгән хатын турында җыр кирәк», — дип язучылар да бар.