Ләвәшле һәм сырлы йомырка табәсе
Туклыклы һәм тиз пешә торган йомырка табәсе рецептын тәкъдим итәм.
Ингредиентлар: түгәрәк ләвәш, йомырка, яшеллек, тоз, борыч, сыр, үсемлек мае.
Табаны үсемлек мае белән майларга мөмкин, мин майламадым.
Табага ләвәш җәяргә, өстенә 3-4 йомырка сытарга, яшел суган, укроп, тоз, борыч сибәргә. Эре угычтан уылган сыр салырга һәм тагын бер ләвәш белән өстен капларга. Табаның өстен каплап 5 минут сүрән утта пешерергә. Аннары икенче ягын әйләндерергә, өстенә сыр сибәргә һәм капкач ябып, янә биш минут пешерергә.
Эчлеккә эре угычтан уылган колбаса, сосиска да өстәсәгез, тагын да тәмлерәк булачак.
