«Кызымның йөрәге шулай куша икән...» – Махсус операциядә штурман булган Гөлнара тарихы

Әнисе Әлфия Сәлимгәрәева кызын җылы сүзләр белән генә искә ала: «Гөлнара кечкенәдән үк бик кызыксынучан һәм максатчан булды», – дип сөйләде ул.

Гөлнара актив бала булып үсә: ишегалдында дуслары белән шау-шу килеп уйнаса, мәктәптә иң яхшы укучы була. Матурлыкка тартылуы да кечкенәдән үк килә: Гөлнара классик әдәбият укый, өйләрендә бүген дә аның шәхси китапханәсе саклана.

Атларга аерым мәхәббәт була Гөлнарада. Кыз ат спорты белән шөгыльләнгән, ә аның бүлмәсен бу затлы хайваннар сурәтләнгән картиналар бизи.

Советлар Союзы Герое М.Ф. Фомин исемендәге мәктәпне тәмамлагач, Гөлнара Алабуга институтының филология факультетына укырга керә һәм журналист һөнәрен үзләштерә.

Махсус хәрби операциягә кадәр Гөлнара «Аммоний» җәмгыятендә эшли. Әмма Туган илгә куркыныч янагач, ул күпләрне гаҗәпләндергән карар кабул итә. «Әлбәттә, һәр әни кеше кебек, мин дә кайгырдым. Әмма кызымның йөрәге шулай куша икән, димәк, шулай булырга тиеш. Мин аның кыюлыгы белән горурланам», – дип сөйли Әлфия Сәлимгәрәева.

Язын Гөлнара контракт төзи һәм Юлия Губанова җитәкчелегендәге «Ночные ведьмы» бүлегенә эләгә. Башта ул беспилотникларга техник хезмәт күрсәтү белән шөгыльләнә, әмма, озакламый, һава һөҗүменә каршына оборона взводының разведка бүлегенә күчә. Хәзер ул оператор-штурман: дошман дроннарын сагалый һәм юкка чыгара.

Күптән түгел аның расчеты Запорожье АЭСы районында үзен күрсәтте: алар дошман беспилотнигын таба һәм бәреп төшерә. Моның өчен Гөлнара «Запорожье өлкәсе каршындагы казанышлары өчен» орден медале белән бүләкләнгән.

Татарстан Республикасы Рәисе Рөстәм Миңнеханов Россия Оборона министрлыгы белән контракт төзергә теләүчеләргә 1 тапкыр бирелә торган түләүне арттыру карары кабул итте. Хәзер ул 3,1 миллион сум тәшкил итәчәк: бу – илдә иң югары түләүләрнең берсе. Түләү ике өлештән тора: 2,7 млн сум – республикадан, 400 мең сум – Оборона министрлыгыннан.

Язма Джулия Искәндәрова ярдәмендә әзерләнде.

Чыганак: «Татар-информ», Эльза Кузнецова