Кызыл уылдыкның чынмы икәнен кайнар суга салып карап белеп була. Мәгариф дәүләт университетының Кеше физиологиясе, экологиясе һәм медико-биологик белемнәр кафедрасы җитәкчесе Ирина Пронина шул хакта аңлаткан. Бу турыда «АиФ» хәбәр итте.
Белгеч сүзләренчә, ясалма кызыл уылдыкны арзанлы желатин, балык мае һәм буягычлардан ясыйлар. Табигый уылдыклар кайнар суда төпкә утыра һәм төсен үзгәртми, ясалма уылдыклар исә йөзеп йөри һәм төсе сыеклыкка тарала.
Биолог уылдыкларны җентекләп карарга киңәш итә. Ясалма уылдык уртасында сыеклык булмый, алар барысы да үлчәме һәм конститенциясе буенча бертөрле. Чын уылдыкның күзчеге була, хәер, хәзер аны ясарга өйрәнгәннәр.
«Уылдыкны салфетка белән сөртегез яки кулыгызда уып карагыз: чын уылдыктан май табы һәм тәмле булып балык исе кала. Ә ясалма уылдыкта балык исе булмый», – ди эксперт.