Халыклар бердәмлеге көненә кызыклы факт: Кузьма Минин – этник татар. Бу хакта 2014 елның 5 ноябрендә Россиянең заманча тарихы музеенда яшь галимнәр һәм тарих укытучылары белән очрашуда Россия Президенты Владимир Путин әйткән, дип яза «Татмедиа» телеграм-каналы.
Видео кадрларында ил башлыгының цитатасы китерелә.
«Халыклар бердәмлеге көне ополченецларның Мәскәүне азат итүенә багышлана. Ә ополчение башлыгы татар кешесе – этник татар була. Бу – гаҗәп. Ул акча җыйган, ополчение җыяр өчен, үзенең бөтен милкен биргән. Кенәзне чакыра, аны ополчение башлыгы итеп куя, Россияне коткарыр өчен акча җыя.
Бу – күп нәрсә турында сөйли. Бу – Россиянең күпмилләтле халкының эчке бердәмлеге турында сөйли, ул низагларның, илнең бүленүе куркыныч булуын тиресе белән сизә. Бу куркыныч, дингә, милләткә бәйсез рәвештә, бөтен кеше өчен дә – бер. Менә болар – гаять мөһим нәрсәләр», – дип сөйләгән Путин.
