"Кызлы йорт": Әнинең уклавы менеп төшә иде
Интернетта бертуган Ганиуллиналар, ягъни "Кызлы йорт"ның кызыклы фотосы пәйда булды.
Фотода кызлар тезелешеп урын җирендә ята. Баксаң, Башкортстанга баргач, аларга шулай урын җәйгәннәр икән. "Балачакта без бишебез дә бер караватта йоклый идек... Йокыга китә алмыйча шаулап ятсак, бабайның каешы, йә әнинең уклавы юрган аша өстебезгә менеп төшә иде! Эләккәннәре мышык-мышык елап, эләкмәгәннәре шыпырт кына йокыга тала идек... Башкортстанның Чоргылды авылында түзем кешеләр яши икән, безне бергә яткырдылар", - дип язган Аиша.
