Кызлар тырышып-тырышып, ята-ята өй юа - Зөлфәт Зиннуровтан видео
Кызлар тырышып-тырышып, ята-ята өй юа - Зөлфәт Зиннуровтан видео
Шоумен Зөлфәт Зиннуров 1 майның авыл кешесе өчен өй юу көне булуын искә төшерә. Бүген алар Зөлфәтнең туган ягы Сабада өй юганнар. Зөлфәт хатын-кызларның өй юганнарын күзәтеп, видеога төшергән.
"Шәһәр кешесе өчен 1 Май шашлык булса, авыл кешесе өчен - өй юу. Кызлар тырышып-тырышып, ята-ята өй юа. Түшәмнәр бетте инде. Хәзер мин паласларны алып керәм", - дип күзәтүләрен сөйләп бара Зөлфәт.
Зур бүлмәле агач йорт идәнен ике хатын-кыз ышкып-ышкып юалар. Аларны Зөлфәт Гөлназ Фәритовна белән Алия Шамилевна дип таныштыра.
Шуннан соң Зөлфәт камераны сервантта торган фотоларга юнәлтә. Анда аның мәрхүм әтисе фотосы да бар. "Әти шатланып күзәтеп тора", - ди Зөлфәт.